Sveinn Rúnar Hauksson læknir greinir frá því á Facebook að eiginkona hans, Björk Vilhelmsdóttir, hafi verið handtekin í Palestínu. Brot hennar virðist ekki hafa verið alvarlegt en þetta ku hafa gerst í morgun. Björk sat í borgarstjórn Reykjavíkur árin 2002 til 2015
„Björk Vilhelmsdóttir og Tinna Eyberg voru handteknar fyrir stundu við ólífutínslu í Burin fyrir sunnan Nablus á Vesturbakkanum, ásamt tveimur frönskum sjálfboðaliðum í Alþjóða friðarþjónustu kvenna í Palestínu,“ skrifar Sveinn Rúnar á Facebook.
Hann deilir svo mynd af handtöku Palestínumanns og skrifar: „Myndin er tekin af handtöku Palestínumanns í Burin fyrir nokkrum árum. Björk og Tinna voru fluttar á lögreglu/herstöð í landtökubyggðinni Ariel sem er orðin að mikilli borg.“
