Mánudagur 18.nóvember 2019
Fréttir

Tvíburabræðurnir Magnús og Páll gera allt saman – Búa saman í Grafarvogi

Ritstjórn DV
Föstudaginn 18. október 2019 15:30

Ekki missa af Helstu tíðindum dagsins í pósthólfið þitt

Lesa nánar

Magnús Harðarson er nýr forstjóri Kauphallarinnar, Nasdaq Iceland, en það var tilkynnt í vikunni. Hann hóf störf strax og tók við forstjórastólnum af tvíburabróður sínum, Páli Harðarsyni. Páll, sem hefur gegnt starfi forstjóra Nasdaq á Íslandi síðan árið 2011, hefur verið skipaður fjármálastjóri evrópskra markaða hjá Nasdaq, European Markets. Hann situr í framkvæmdastjórn European Markets, en undir það heyra allir markaðir Nasdaq í Evrópu og á Norðurlöndunum.

Magnús Harðarson.

Það kemur ekki á óvart að Magnús og Páll séu líkir í útliti, enda tvíburabræður, fæddir á því herrans ári 1966, nánar til tekið þann 14. febrúar. Þeir eiga þó margvíslegt annað sameiginlegt en útlitið þar sem þeir hafa fylgst að í gegnum tíðina. Magnús og Páll eru báðir menntaðir hagfræðingar og nældu sér báðir í doktorsgráðu í fræðunum við Yale-háskóla í New Haven í Connecticut í Bandaríkjunum, virtum skóla, svo ekki sé meira sagt.

Þeir tvíburabræður hafa því fetað ansi svipaða náms- og atvinnubraut. Það sem vekur enn meiri athygli er hve samrýmdir þeir eru í einkalífinu. Þeir eyða miklum tíma saman og búa meira að segja saman í Foldahverfinu í Grafarvogi, ef marka má skráningu í símaskrá. Þar búa þeir ásamt eiginkonu Páls, Deboruh Hughes, og börnum þeirra. Húsið, sem er tæpir fjögur hundruð fermetrar að stærð, keyptu þau í maí árið 2005. Þá áttu Páll og Deborah tæplega þrjátíu prósenta hlut í húsinu hvort um sig og Magnús rúmlega fjörutíu prósenta hlut. Í september árið 2017 seldi Magnús hins vegar hjónunum sinn hlut samkvæmt fasteignaskrá en býr þar enn. Í dag eiga Páll og Deborah hvort um sig helmingshlut í húsinu.

Páll Harðarson.

Húsið í Grafarvoginum er glæsilegt og verður fasteignamat næsta árs 93,4 milljónir. Brunamótamat hússins er rúmlega 102 milljónir, en þess má geta að önnur íbúð er í húsinu í eigu annars pars og er sú íbúð tæplega 86 fermetrar að stærð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Svona búa Samherjar

Ekki missa af

Fréttir
Í gær

Icelandair kannar áætlunarflug til Murcia

Icelandair kannar áætlunarflug til Murcia
Fréttir
Í gær

Blaðamannafélagið sakaði þrjár konur ranglega um verkfallsbrot

Blaðamannafélagið sakaði þrjár konur ranglega um verkfallsbrot
Fréttir
Fyrir 3 dögum

Átakanleg sambandsslit Heiðdísar og Farzad – Ofbeldi, svik og vændi – „Hún ætlaði að skera af mér typpið“

Átakanleg sambandsslit Heiðdísar og Farzad – Ofbeldi, svik og vændi – „Hún ætlaði að skera af mér typpið“
Fréttir
Fyrir 3 dögum

Eldur á Barónstíg – Tveir handteknir á vettvangi

Eldur á Barónstíg – Tveir handteknir á vettvangi