Það er því vel hægt að ruglast á myndum af atburðum sem teknar eru úr tölvuleikjum og ljósmyndum af raunverulegum atburðum.
Útvarp Saga birti nýverið viðtal á heimasíðu sinni við Gústaf Skúlason, sem búsettur er í Stokkhólmi. Talað var um glæpi eins og skotárásir, sprengingar, hnífsstungur og nauðganir. Sagt var á Útvarp Sögu að þessir glæpir séu orðnir svo algengir í Svíþjóð að íbúar upplifa ástandið eins og stríðsástand.
En þó svo að viðtalið snérist um raunveruleg málefni þá var myndin sem notuð var með viðtalinu ekki tekin úr raunveruleikanum.
Þear vel er að gáð má sjá að myndin er tekin úr tölvuleiknum Grand Theft Auto V sem kom út árið 2013. Myndin sem um ræðir sýnir því ekki raunverulegar löggur að störfum heldur skjáskot af löggum úr tölvuleiknum.
Hér fyrir neðan má sjá fleiri myndir af sænskum lögregluþjónum að störfum í tölvuleiknum.