Lögreglan á Suðurnesjum handtók tvo einstaklinga aðfaranótt sunnudags eftir að mikið magn lyfeðilsskyldra lyfja fundust í bifreið sem fólkið var í. Í skeyti frá lögreglu segir að um hafi verið að ræða sterk verkjalyf, svefnlyf og róandi lyf.
Lögregla handtók ökumanninn og farþegann í bifreiðinni og færði til skýrslutöku. Að sögn lögreglu leikur grunur á að lyfin hafi verið ætluð til sölu og dreifingar. Málið er í rannsókn hjá lögreglu.