Á þriðja tímanum í dag voru björgunarsveitir á Suðurlandi kallaðar út vegna slasaðrar konur á Fimmvörðuhálsi, að því er segir í tilkynningu frá Landsbjörgu.
Konan er slösuð á fæti og er stödd ofarlega á Fimmvörðuhálsi, miðja vegu milli Baldvinsskála og Fimmvörðuhálsskála. Hálftíma eftir að útkall barst voru fyrstu hópar björgunarsveita ásamt sjúkrafluttningamönnum komnir að Skógum og héldu af stað upp Fimmvörðuháls.
Annað göngufólk er hjá konunni og voru fyrstu viðbragðsaðilar væntanlegir til hennar er tilkynningin barst kl. 15:12.