Hópur dýraverndunarsinnar stóðu fyrir mótmælum fyrir utan sláturhús SS á Selfossi um helgina. Þetta er ekki í fyrsta skipti sem slík mótmæli fara fram en þau hafa yfirleitt vakið nokkra athygli. Samtökin sem standa fyrir mótmælunum, Reykjavík Animal Save, birta á Instagram mynd af þessu í gær. Í lýsingu segir að þessi hugrakki hópur hafi staðið fyrir utan sláturhúsið í mígandi rigningu.
https://www.instagram.com/p/Bz59q6WpXkB
„Akkúrat þegar við vorum að fara að pakka saman kom vörubíll með svín til slátrunar. Ég báðum bílstjórann að stoppa fyrir okkur en hann flautaði bara og keyrði fram hjá,“ segir í lýsingu. Á spjöldum mótmælenda stóðu slagorð svo sem: „Fangelsuð, nauðgað og afkvæmin drepin!“, „Saklaust svín, sekir menn“ og „Ég er skynvera, ekki hráefni“.
Líkt og fyrr segir fjallaði DV um sambærileg mótmæli árið 2016 en Aktívegan, samtök um réttindi dýra til lífs og frelsis, stóðu fyrir þeim mótmælum. „Hvernig getið þið þetta. Hvernig sofnið þið á nóttunni drepandi dýr með köldu blóði. Morðingjar. Setjið ykkur í spor þeirra. Þið eruð að drepa þau. Þetta eru útrýmingarbúðir eins og í heimsstyrjöldinni. Þið eruð að drepa þau. Þið eruð að myrka saklausa einstaklinga. Til að græða á þeim peninga,“ hrópaði einn mótmælandi en myndband frá þeim mótmælum má sjá hér fyrir neðan.
https://www.facebook.com/aktivegan/videos/586792631508438/
