Léttúðugt tíst sem leikarinn og grínistinn Sveppi lét frá sér á Twitter í dag hefur farið fyrir brjóstið á sumum. Þar gerir hann grín að sprautufíklum, er hann skrifar:
„Hitti svo yndislegan sprautufíkil áðan, sem átti stutt eftir. Ég renndi hendinni í gegnum hárið á honum og sagði “ mig langar að vera eins og þú litla sprautukrútt“. Hann brosti, það er fyrir öllu“
Ung kona deilir tísti Sveppa á Facebook-síðu sinni og er ekki skemmt. Hún ritar:
„Svona í alvöru! Á þetta að fyndið?
That is the most disrespectful shit
I’ve ever read.
Fólk eru í alvöru að þjást og deyja
Missti alla virðingu fyrir þessum manni!“
Kona sem segist vera með svartan húmor segist ekki sjá neitt fyndið við þetta grín, „þetta er bara viðbjóðslegt,“ skrifar hún.
„Djöfull er hægt að gera sig ómerkilegan,“ skrifar annar.
Á Twitter eru ekki miklar umræður um tístið, margir velja að líka við það eða endurtísta því.
Þetta er eitt af fjölmörgum dæmum sem vekja upp spurningar um hvort gera megi grín að hverju sem er og á hvaða hátt sem er. DV tekur ekki afstöðu til þess.
Hitti svo yndislegan sprautufíkil áðan, sem átti stutt eftir. Ég renndi hendinni í gegnum hárið á honum og sagði “ mig langar að vera eins og þú litla sprautukrútt“. Hann brosti, það er fyrir öllu
— Sveppi (@Sveppi2) 12 July 2019