Fimmtudagur 14.nóvember 2019
Fréttir

Ragnar Þór ósáttur: „Þetta er óþolandi!“

Ritstjórn DV
Miðvikudaginn 19. júní 2019 14:45

Ragnar Þór Ingólfsson, formaður VR. Mynd Hanna/DV

Ekki missa af Helstu tíðindum dagsins í pósthólfið þitt

Lesa nánar

„Við höf­um tekið sam­an gögn um það að álagn­ing banka og lífeyrissjóða hef­ur auk­ist mikið, markaðsvext­ir hafa lækkað mun meira en vext­ir hafa lækkað hjá líf­eyr­is­sjóðum og fjár­mála­stofn­un­um,“ segir Ragnar Þór Ingólfsson, formaður VR.

Ragnar Þór deilir frétt mbl.is þess efnis að stjórn VR hafi samþykkt að boða fund í fulltrúaráði VR hjá Lífeyrissjóði verslunarmanna. Þar á að leggja fram tillögu um að afturkalla umboð þeirra sem VR tilnefnir í stjórn lífeyrissjóðsins. VR tilnefnir fjóra af átta stjórnarmönnum hjá sjóðnum.

Sjá einnig: Stjórn VR lýsir yfir trúnaðarbresti:„Eins og þruma úr heiðskýru lofti“

Ástæðan er nýleg ákvörðun stjórnar að hækka breytilega vexti verðtryggðra sjóðfélagalána. Fóru þeir úr 2,06 prósentum í 2,26 prósent, en aðeins örfáum dögum áður hafði Seðlabankinn tilkynnt um lækkun stýrivaxta.

Ragnar Þór er ósáttur við þetta og segir að álykta megi að vextir lífeyrissjóða ættu alla jafna að vera að lágmarki 0,6 prósentum lægri, þar sem þeir borga ekki bankaskatt og önnur gjöld eins og bankar.

„Ný­lega hafa foreldrar og for­ráðamenn barna sem eiga lokaða verðtryggða reikn­inga fengið til­kynn­ingar um 0,5 pró­sentu­stiga lækk­un á innlánsvöxt­um á meðan út­lánsvext­ir hreyf­ast ekki eða lækka um brot af því sem þeir ættu að gera. Þetta er óþolandi!,“ segir Ragnar sem bætir við að lokum:

„Eigum við að sætta okkur við að lífeyrissjóðunum okkar sé alfarið stjórnað á forsendum fjármálakerfisins, eins og verið hefur, eða eigum við sem verkalýðshreyfing að beita okkur fyrir því að áherslur okkar um betri lífskjör, siðferði og samfélagslega ábyrgð fái raunverulegt vægi þar inni?

Er ásættanlegt að vextir hækki bara vegna þess að stjórnarmönnum lífeyrissjóðs finnst þeir vera of lágir án þess að hafa fyrir því haldbær rök?“

Í tilkynningu sem VR sendi frá sér í dag og Eyjan fjallaði meðal annars kemur fram það álit stjórnar VR að trúnaðarbrestur hafi orðið. Ákvörðun um vaxtahækkun sé óskiljanleg í ljósi þeirra gríðarlega miklu áherslu sem lögð var á vaxtalækkanir í nýgerðum kjarasamningum sem hefur síðan orðið af.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Segir Samherja stunda stórfelldar mútugreiðslur

Segir Samherja stunda stórfelldar mútugreiðslur
Fréttir
Fyrir 2 dögum

Friðjón hjólar í KrakkaRÚV: „Sjúklega mikil óvirðing“

Friðjón hjólar í KrakkaRÚV: „Sjúklega mikil óvirðing“
Fréttir
Fyrir 2 dögum

Pervertinn á Þingeyri dæmdur – Fórnarlömbin fá ekki það sem þau kröfðust

Pervertinn á Þingeyri dæmdur – Fórnarlömbin fá ekki það sem þau kröfðust
Fréttir
Fyrir 2 dögum

Áróður á veggjum Háskólans – Jón Atli sakaður um hræsni – „Var HÍ ekki að væla yfir áróðri nasista um daginn?“

Áróður á veggjum Háskólans – Jón Atli sakaður um hræsni – „Var HÍ ekki að væla yfir áróðri nasista um daginn?“