Líkt og frægt er orðið skoraði poppstjarnan Justin Bieber á kvikmyndastjörnuna Tom Cruise í bardaga á twitter-aðgangi sínum á dögunum.
I wanna challenge Tom Cruise to fight in the octagon. Tom if you dont take this fight your scared and you will never live it down. Who is willing to put on the fight? @danawhite ?
— Justin Bieber (@justinbieber) June 10, 2019
Þó svo að margir hafi leyft sér að efast um líkurnar á því að þessi bardagi myndi eiga sér stað þá hefur forseti UFC, Dana White lýst yfir áhuga á því að sjá um bardagann og segist jafnvel vera búinn að fá eitt símtal varðandi skipulagningu á honum. Þetta sagði hann í samtali við ESPN.
Undanfarin ár hafa svokallaðir peningabardagar (money fights) verið ansi vinsælir. Helst má nefna það þegar YouTube stjörnurnar KSI og Logan Paul mættust í hringnum og svo þegar MMA-bardagakappinn Conor McGregor bætti boxaranum heimsfræga Floyd Mayweather í boxbardaga sem sló öll met.
Auðvelt er þó að ímynda sér að bardagi á milli Bieber og Cruise myndi skapa meiri tekjur en allt sem áður hefur sést á þessum sviði, enda báðir mennirnir stórstjörnur.
Dana White hefur séð um að skipuleggja stórabardaga í áraraðir en hann átti einmitt stóran þátt í því að bardagi Mayweather og McGregor varð að veruleika.
„Ég væri bjáni ef ég myndi ekki skipuleggja þennan bardaga,“ sagði Dana og bætti við: „Engan bardaga yrði auðveldara að auglýsa en þennan.“
Viðtalið má sjá í heild sinni hér að neðan.
