Karlmaður var fluttur á slysadeild í nótt eftir bílveltu á gatnamótum Barónsstígs og Grettisgötu í miðbæ Reykjavíkur um klukkan þrjú í nótt.
Maðurinn keyrði bíl sínum á tvo kyrrstæða bíla með þeim afleiðingum að bíllinn hans valt. Að sögn manneskju sem býr á svæðinu heyrðist „gríðarlegur hvellur“ þegar að ökumaðurinn keyrði á bílana.
Ökumaðurinn virðist ekki vera alvarlega slasaður, en hann kom sér sjálfur úr bílnum og var uppistandandi þegar að slökkvilið bar að garði. Bíllinn er hins vegar mjög illa farinn.
