Baldur Borgþórsson, varaborgarfulltrúi Miðflokksins, segist greinilega vera síbrotamaður og stórhættulegur íslensku samfélagi, ef eitthvað sé að marka orð Pálma Gestsson leikara um Miðflokksmenn.
Þetta kemur fram á Facebook síðu Baldurs. Pálmi Gestsson kallaði í gær Miðflokksmenn hálfvita og kjósendur þeirra fávita
„Og kjósendur þeirra hálfu verri, illa innrætt og heimskt fólk svo það sé sagt. Þetta er þyngra en tárum taki en nauðsynlegt að segja það. Þeir eru stórhættulegir þjóðinni,“
Baldur bendir á að auk þess að vera Miðflokksmaður sé hann einnig kjósandi flokksins líka, hann hafi kosið Miðflokkinn bæði í síðustu Alþingiskosningu sem og síðustu sveitarstjórnarkosningum.
„Það er ljóst að samkvæmt karakter lýsingu Pálma Gestssonar er undirritaður síbrotamaður með einbeittan brotavilja og því stórhættulegur íslensku samfélagi sem og alþjóðlegu.
Baldur beinir því næst áskorun til Pálma að kíkja í heimsókn. Óljóst er hvort Baldur sé að bjóða Pálma byrginn vegna ummæla hans, eða að bjóða honum í upplýsandi kaffispjall.
„Pálmi Gestsson, þú veist hvar ég bý renni þér blóðið til skyldunnar.
P.s.
Alltaf heitt á könnunni og jafnvel Sæmundur í sparifötunum með því.“
Sjá einnig:
