Karlmaður framdi sjálfsvíg í fangelsinu Litla-Hrauni, en komið var að manninum í morgun. Maðurinn er íslenskur.

Morgunblaðið greindi fyrst frá þessu.  Í samtali við mbl segir Páll Winkel fangelsismálastjóri að málið sé til rannsóknar hjá lögreglu. Páll tekur einnig fram að ekkert bendir til þess að um saknæman verknað hafi verið að ræða og er búið að hafa samband við aðstandendur mannsins.

„Við erum slegin,“ segir Páll. „Okkar fyrsta verkefni er að hlúa hvert að öðru, bæði starfsfólki og vistmönnum.“

Páll tjáir sig einnig við Vísi. Hefur viðbragðsáætlun verið sett í gang. Felst hún í að tryggja öryggi fanga og starfsmanna og hlúa að þeim á þessari erfiðu stundu. Páll segir við Vísi:

„Þetta er auðvitað sláandi og það eru allir harmi slegnir.“