Framlög ríkisins til Sinfóníuhljómsveitar Íslands hækka um 231 milljón króna á milli ára miðað við fjárlagafrumvarp ríkisstjórnarinnar. Framlög til Þjóðleikhússins hækka um 38 milljónir króna á milli ára.
Sinfóníuhljómsveitin fær 1.712 milljónir á næsta ári samkvæmt frumvarpinu en fékk 1.481 milljónir fyrir þetta ár. Heildarframlag til Þjóðleikhússins nemur rúmlega 1.534 milljónum króna en var samkvæmt síðasta fjárlagafrumvarpi var framlagið rétt tæpir 1.493 milljónir króna.
Alls verður varið rúmlega 5,2 milljörðum til menningarmála á næsta ári, í ár var það rúmir 5 milljarðar. Er það hækkun upp á 3,8% samkvæmt frumvarpinu.
Framlag ríkisins til rekstrar tónlistarhússins Hörpu hækkar um 13 milljónir króna og verður 886 milljónir á næsta ári.
Í fjárlögunum er einnig heimild til að selja Maggini fiðlu Sinfóníuhljómsveitar Íslands og verja andvirðinu til kaupa á öðru hentugra hljóðfæri.
