Bára Halldórsdóttir, uppljóstrarinn frá Klaustur Bar, tilkynnti í kvöld að hún hefði fengið nýjan síma í jólagjöf. Gamli Samsung-síminn hennar verður því tekinn úr notkun. Þessi gamli og lasni sími er enginn venjulegur farsími því þetta er síminn sem samtöl sexmenninganna á Klaustur Bar voru tekin upp á, sem frægt varð. Bára kveður gamla símann sinn í stuttri Facebook-færslu og birtir meðfylgjandi mynd af honum. Hún skrifar:
„Farvel gamli vin. Ónefndur velgjörðaraðili færði mér glæsilegan nýjan síma í jólagjöf. Gamli gráni var byrjaður að frjósa all illilega undan öllum þökkunum. Hann verður varadekk svona fyrst um sinn og svo stefnir í að hann heimsæki þjóðminnjasafnið ef þeir vilja hann.“
