fbpx
Fimmtudagur 02.febrúar 2023
Fréttir

Harmleikurinn á Austurvelli – Vopnaðist eftir árás: „Þetta er góður drengur. Fjölskyldan er í áfalli“

24 ára Íslendingur liggur undir grun – Varð sjálfur fyrir alvarlegri líkamsárás Albana

Björn Þorfinnsson
Föstudaginn 8. desember 2017 20:00

Ekki missa af Helstu tíðindum dagsins í pósthólfið þitt

Lesa nánar

Íslenskur karlmaður situr í einangrun vegna alvarlegrar hnífaárásar á Austurvelli aðfaranótt sunnudags. Maðurinn liggur undir grun um að hafa stungið tvo menn sem báðir eru frá Albaníu. Annar þeirra var stunginn ítrekað og meðal annars hitti ein hnífsstungan hann í hjartastað. Sá liggur enn í lífshættu á gjörgæsludeild Landspítalans. Samkvæmt heimildum DV er með öllu óvíst að hann lifi árásina af. Hitt fórnarlambið meiddist minna og var fljótlega útskrifað af sjúkrahúsi.

**Uppfært: Maðurinn er látinn.

Sá sem er grunaður um árásina er 24 ára gamall. Að öllu óbreyttu verður hann í gæsluvarðhaldi til 15. desember. Hann flúði af vettvangi eftir árásina en var handtekinn í Garðabæ skömmu síðar. Maðurinn hefur búið hjá ömmu sinni og afa undanfarið en þau eru búsett í sveitarfélaginu. Þegar hinn meinti árásarmaður var handtekinn var hann undir áhrifum vímuefna og reyndist ógerlegt að yfirheyra hann fyrr en daginn eftir. Þá voru vitni að árásinni og hafa þau verið yfirheyrð af lögreglu. Rannsókn málsins heldur áfram.

Samkvæmt heimildum DV komu hinir voveiflegu atburðir fjölskyldu mannsins í opna skjöldu. Hann hefur ekki áður komist í kast við lögin og hefur aldrei sýnt af sér ofbeldisfulla hegðun.

„Þetta er góður drengur. Fjölskyldan er í áfalli, þetta er algjör harmleikur,“ segir aðstandandi mannsins í samtali við DV. Ástvinir mannsins hafa litlar upplýsingar fengið frá lögreglu um hvað gekk á.

Samkvæmt heimildum DV hefur málið nokkra forsögu. Íslendingurinn ungi varð fyrir alvarlegri líkamsárás fyrir nokkrum vikum þar sem hópur albanskra manna gekk í skrokk á honum. Í kjölfar árásarinnar varð hann mjög stressaður og var um sig í miðbæ borgarinnar og vopnaðist hníf til þess að verja sig. Á þessari stundu liggur ekki fyrir hvort fórnarlömb árásarinnar hafi tengst fyrrnefndri líkamsárás eða ekki. Það eina sem liggur fyrir er að til ágreinings kom milli þeirra og Íslendingsins með þeim afleiðingum að Albanirnir tveir lágu óvígir eftir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

TF-SIF á hilluna vegna hagræðingar

TF-SIF á hilluna vegna hagræðingar
Fréttir
Í gær

Niceair skildi 45 töskur eftir á Tenerife – „Þarna mátti gera betur“

Niceair skildi 45 töskur eftir á Tenerife – „Þarna mátti gera betur“
Fréttir
Í gær

Fyrrum ræðuritari Pútíns segir að valdarán geti átt sér stað innan árs

Fyrrum ræðuritari Pútíns segir að valdarán geti átt sér stað innan árs
Fréttir
Í gær

„Hér er Ríkislögreglustjóri að ljúga mjög alvarlegum sökum upp á almenna borgara!“

„Hér er Ríkislögreglustjóri að ljúga mjög alvarlegum sökum upp á almenna borgara!“
Fréttir
Fyrir 2 dögum

Börn lentu í hrakningum í Grafarholti – Gert að yfirgefa strætó vegna óveðursins

Börn lentu í hrakningum í Grafarholti – Gert að yfirgefa strætó vegna óveðursins
Fréttir
Fyrir 2 dögum

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“
Fréttir
Fyrir 2 dögum

Árás á íranska drónaverksmiðju getur komið sér vel fyrir Úkraínu

Árás á íranska drónaverksmiðju getur komið sér vel fyrir Úkraínu
Fréttir
Fyrir 2 dögum

Sérfræðingur skefur ekki utan af því – „Pútín hefur mistekist hrapalega“

Sérfræðingur skefur ekki utan af því – „Pútín hefur mistekist hrapalega“
Fréttir
Fyrir 2 dögum
Sleginn í andlitið