Nokkrir eru sagðir hafa særst eftir að maður, vopnaður hnífi, stakk gangandi vegfarendur í miðborg Turku í Finnlandi í dag. Að sögn finnskra fjölmiðla skaut lögregla árásarmanninn.
Ekki liggur fyrir á þessari stundu hversu margir eru slasaðir. Fjölmennt lið lögreglu og sjúkraflutningamanna er á svæðinu. Að sögn BBC var árásarmaðurinn skotinn í fótinn. Lögregla hefur hvatt fólk til að halda sig frá miðborginni.