fbpx
Mánudagur 15.apríl 2024
Fréttir

Dauðvona dreng vantaði sýklalyf: Móðir hans gaf honum te

Rétthöld yfir móðurinni fara nú fram í Kanada en drengurinn lést

Kristín Clausen
Miðvikudaginn 30. nóvember 2016 21:30

Rétthöld yfir móðurinni fara nú fram í Kanada en drengurinn lést

Ekki missa af Helstu tíðindum dagsins í pósthólfið þitt

Lesa nánar

Í 10 daga lá Ryan Alexander Lovett fárveikur í rúminu sínu og drakk te sem er unnið úr fíflum og oregano olíu. Hann lést af völdum veikindanna sem hæglega hefði mátt koma í veg fyrir ef móðir hans hefði, í stað þess að reyna að lækna hann með teinu og olíunni, útvegað honum viðeigandi læknisaðstoð.

Hefði mátt koma í veg fyrir andlátið

Þetta kemur fram í málflutningi saksóknara í Calgary, Alberta í Kanada en síðastliðinn mánudag hófust réttarhöld yfir móður Ryan. Hún er sökuð um vítaverða vanrækslu sem orsakaði dauða drengsins. Kanadískir og bandarískir fjölmiðlar hafa mikið fjallað um málið síðustu daga.

Dánarmein hans var líffærabilun en hann lést árið 2013. Saksóknari heldur því fram að Ryan hafi í upphafi fengið streptókokka sýkingu og í framhaldinu mislinga og lungnabólgu.

Þrátt fyrir að drengurinn væri svo mikið veikur leitaði móðir hans, Tamara Lovett, aldrei eftir læknisaðstoð.

Þá segir verjandi Tamöru að hún trúi hvorki á hefðbundin læknavísindi né lækna. Hún sjálf hefur aldrei leitað til læknis og sá heldur aldrei ástæðu til að fara með son sinn.

Ráðlagt að fara til læknis

Saksóknarinn í málinu sagði jafnframt að vitni í málinu hafi, daginn áður en hann lést, alls ekki litist á ástand Ryan og ráðlagt Tamöru að fara með hann umsvifalaust til læknis.

Morguninn eftir hringdi Tamara í 911 og tilkynnti starfsmanni neyðarlínunnar að sonur hennar andaði ekki. Þá sagði hún lögreglu- og sjúkraflutningamönnum sem komu á vettvang að Ryan hefði verið veikur í 2 vikur. Þá hafi hann hnigið niður á leiðinni á klósettið umræddan morgun.

Sjúkraflutningamenn á vettvangi sögðu að drengurinn hafi verið látinn þegar þá bar að garði. Hann hefði verið ískaldur viðkomu og legið í eigin ælu.

Þá kveðst einn sjúkraflutningamaðurinn, hafa heyrt Tamöru, sem segist saklaus í málinu, að hún hafi beðið drenginn afsökunar á því að hafa ekki leitað fyrr eftir læknisaðstoð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Forsetaefnasúpa Íslands vekur athygli og furðu erlendis – Bauð sig óvart fram því hún sér illa – „Ég var ekki með gleraugun á mér“

Forsetaefnasúpa Íslands vekur athygli og furðu erlendis – Bauð sig óvart fram því hún sér illa – „Ég var ekki með gleraugun á mér“
Fréttir
Fyrir 2 dögum

Páll sekur en ekki af baki dottinn – „Hann tvíeflist. Ætlar bara að ljúga enn meira“ 

Páll sekur en ekki af baki dottinn – „Hann tvíeflist. Ætlar bara að ljúga enn meira“ 
Fréttir
Fyrir 3 dögum

Aðalsteinn lagði Moggabloggarann Pál í héraði – Átta ummæli dæmd dauð og ómerk og dagsektir yfirvofandi

Aðalsteinn lagði Moggabloggarann Pál í héraði – Átta ummæli dæmd dauð og ómerk og dagsektir yfirvofandi
Fréttir
Fyrir 3 dögum

Ökumaður á Akureyri gáði ekki að sér – Afleiðingarnar voru skelfilegar

Ökumaður á Akureyri gáði ekki að sér – Afleiðingarnar voru skelfilegar
Fréttir
Fyrir 3 dögum

Kona þarf að vera í fangelsi í 219 daga

Kona þarf að vera í fangelsi í 219 daga
Fréttir
Fyrir 3 dögum

Hjálmtýr segir að Morgunblaðið hafi neitað að birta þessa grein – Fer hörðum orðum um Davíð Oddsson

Hjálmtýr segir að Morgunblaðið hafi neitað að birta þessa grein – Fer hörðum orðum um Davíð Oddsson