„Ég held að fólk geri sér almennt ekki alveg grein fyrir því hversu alvarlegt þetta er. Þetta er ekki bara nauðgun, þetta er svo miklu meira en það. Það tekur marga daga fyrir mann að meðtaka hvað gerðist,“ segir Pálína Ósk Ómarsdóttir sem var nauðgað um verslunarmannahelgina árið 2014 en hún kveðst fegin að ekki var greint frá brotinu í fjölmiðlum um leið og það var tilkynnt. Segir hún mikilvægt að lögregla fái tíma og vinnufrið til að rannsaka kynferðisbrot, til dæmis til að ræða við möguleg vitni. Þá telur hún víst að það hefði verið erfitt fyrir hana að lesa um brotið í fjölmiðlum á meðan hún hafi vart sjálf verið farin að meðtaka það sem gerðist.

Pálína Ósk var í viðtali hjá útvarpsþættinum Brennslunni í morgun og tjáði sig þar um reynslu sína. Pressan greindi einnig frá sögu Pálínu í apríl síðastliðnum. Hún var stödd í eftirpartýi með vinkonum sínum í heimahúsi þegar karlmaður nýtti sér ástand hennar þar sem hún var ofurölvi og braut á henni kynferðislega. Hún kærði manninn fyrir nauðgun og var hann dæmdur í tveggja ára fangelsi í Héraðsdómi Reykjaness í vor.

Í samtali við Brennsluna í morgun lýsir Pálína ferlinu sem tók við eftir að hún leitaði á neyðarmóttöku eftir nauðgunina. Hún kveðst hafa verið ráðavillt og hrædd og ekki haft hugmynd um hvað hafði gerst.

„Lögreglan kemur og bara allur dagurinn fer í þvílíkt ferli þar sem ég er marga klukkutíma upp á sjúkrahúsi. Lögreglan er að útskýra fyrir mér að það sé ekkert eðlilegt að sofa hjá manneskju sem er dauð og að þetta sé ekki mér að kenna,“ segir hún og bætir við að lögreglan hafi hvatt hana til að leggja fram kæru.

„Maður er á mjög viðkvæmum stað, ég fæ ekkert að vita fyrr en á sunnudeginum hvað gerðist í rauninni. Allur dagurinn og allt í kringum þetta var bara erfitt. Maður er hræddur,“ segir hún jafnframt en hún telur að ef hún hefði lesið um brotið í fjölmiðlum á sama tíma hefði hún hugsanlega bakkað. Í tilviki Pálínu greindu fjölmiðlar frá brotinu miðvikudaginn eftir verslunarmannahelgina, en þá var hún að eigin sögn byrjuð að meðtaka það sem hafði gerst:

Hún bætir við að það hafi verið erfitt að lesa um atburðinn í fjölmiðlum:

„Foreldrar mínir vissu þetta og öll fjölskyldan mín. Það er mjög leiðinlegt og erfitt fyrir þau að lesa þetta líka,“ segir hún en hún telur ekki að um þöggun sé að ræða þó að ekki sé greint frá kynferðisbrotum um leið, enda séu málin á viðkvæmum stað á þeim tímapunkti. Þá sé nauðsynlegt að þolendur fái svigrúm.

Þá bendir hún á að lögreglan þurfi vinnufrið og tíma til að rannsaka brot af þessu tagi, án áreitis frá til að mynda samfélagsmiðlum. Þannig var það í hennar tilviki, en hún var heppin að því leyti að vitni voru til staðar sem lögreglan gat rætt við.

Eins sorglegt og það er, þá komast bara ein af hverri tíu með sín mál alla leið í dómskerfinu. Þessi vegna skiptir allt ferlið mjög miklu máli og að lögreglan fá algjöran vinnufrið.“