Katrín og Vilhjálmur eiga von á þriðja barninu
Líkt og komið hefur fram í fréttum er von á nýjum erfingja að bresku krúnunni. Tilkynning barst frá Kensingtonhöll í morgun kom fram að hjónin Katrín, hertogaynja af Cambridge, og Vilhjálmur, hertoginn af Cambridge, eiga von á sínu þriðja barni.
Fyrir eiga þau, Georg, fæddan í júlí 2013, og Karlottu, fædda í maí 2015. Elísabet Englandsdrottning og aðrir meðlimir konungsfjölskyldunnar eru himinlifandi með fréttirnar segir í tilkynningunni.
Líklegt þykir að Katrín sé komin skemur en þrjá mánuði á meðgöngunni, en tilkynningin kemur fram þar sem hún neyðist til að afboða sig frá konunglegum skyldum. Þjáist hún af sjúklegri morgunógleði (e. hyperedemis gravidarum), líkt og á fyrri meðgöngunum.
Barnið mun verða fimmta í röðinni sem erfingi krúnunnar, á eftir afa sínum Karli, föður Vilhjálmi og systkinum sínum, Georg og Karlottu.
Veðbankar eru þegar farnir að spá í líklegu nafni á væntanlegan erfingja, Alice er með stuðulinn 8/1, Elísabet stuðulinn 10/1 og James er með stuðulinn 10/1. Alice þýðir heiðvirður, sem er mjög viðeigandi nafn fyrir meðlim konungsfjölskyldu.
Konungsfólkið á einnig til að að velja ensk nöfn sem eiga sér langa hefð innan fjölskyldunnar. Seinni dóttir Victoriu drottningar var kölluð Alice og einnig móðir prins Philip (langamma Vilhjálms). Hinsvegar þegar Katrín gekk með Karlottu, þá var Alice nafnið einnig nefnt sem nafn sem kom til greina, en foreldrarnir völdu annað nafn í það skipti.
