Ásdís Halla Einarsdóttir og kærasti hennar voru í göngutúr með hundana sína tvo þegar þau mættu með þremur ungum krökkum með hund sem þau réðu ekki við.
Hundurinn slapp og kom hlaupandi urrandi og geltandi að okkar hundum. Þetta varð til þess að ég þurfti að láta kærastann taka hundinn af mér þannig að hann hélt báðum okkar hundum svo ég gæti hlaupið og náð þeirra hundi. Krakkarnir voru ekki nálægt honum og réðu ekki við hann, samt var þetta pínu lítill hundur,
segir Ásdís í færslu á Facebook.
Ásdís vill minna fólk á að hleypa ekki of ungum krökkum út með hundana í göngutúr þar sem mjög líklegt sé að þau ráði ekki við þá í svona aðstæðum.
Börnin hafa verið svona 3, 5 og 6 ára gömul sem við mættum. Sem betur fer eru mínir hundar ekki árásargjarnir en annar hundur hefði geta tekið þessu sem árás og farið í þennan lausa hund. Krökkunum brá rosalega þegar hundurinn þeirra hljóp í mína hunda og það hefði örugglega verið mikið áfall fyrir þau ef hlutirnir hefðu farið verr.
