fbpx
Miðvikudagur 19.júní 2019

DV - Frjáls og óháður miðill

Silfur Egils

Töffarinn Dagfinnur

Jóhann les Harry Potter hljóðbækur á íslensku

Ragna Gestsdóttir
Laugardaginn 11. ágúst 2018 15:30

Ekki missa af Helstu tíðindum dagsins í pósthólfið þitt

Lesa nánar

Í haust munu koma út fyrstu hljóðbækurnar í bókaflokknum um drenginn sem lifði, Harry Potter, eftir J.K. Rowling á íslensku. Þetta er í fyrsta sinn sem bækurnar eru lesnar og gefnar út sem hljóðbækur á íslensku. Storytel vinnur náið með Pottermore útgáfunni að framleiðslu bókanna og verða þær í boði fyrir áskrifendur þjónustunnar á Íslandi.

Stefnt er að því að gefa hverja af bókunum sjö út með mánaðar millibili. Bókaflokkurinn er nú þegar í boði á Storytel á ensku í flutningi Stephen Fry, en íslensku útgáfurnar verða ánægjuleg og tímabær viðbót.

Það er enginn annar en stórleikarinn Jóhann Sigurðarson sem glæðir sögurnar lífi en hann var valinn úr fjölda íslenskra radda af Pottermore úgáfunni. „Ég er afar þakklátur fyrir að hafa verið valinn til að lesa þennan glæsilega og ævintýralega sagnabálk“ segir Jóhann Sigurðarson.

„Jóhann Sigurðarson er fullkominn í þessu hlutverki, rödd hans er töfrum líkust og hann ljær sögunni sannkallaðan ævintýrablæ “ segir Stefán Hjörleifsson framkvæmdastjóri Storytel á Íslandi og bætir við að hlustendur eigi von á góðu.

Höfundur bókanna er, sem fyrr segir, breski rithöfundurinn J.K. Rowling. Bækurnar hafa verið þýddar á 80 tungumál og hafa selst í yfir 500 milljónum eintaka á heimsvísu, sem gerir þær að einhverjum vinsælustu bókum sögunnar. Fyrsta bókin, Harry Potter og viskusteinninn, kom fyrst út í Bretlandi 1997 en bókin kom svo út á íslensku hjá Bjarti árið 1999 og hafa bækurnar notið mikilla vinsælda á Íslandi sem annars staðar. Þýðandi er Helga Haraldsdóttir en vísur bókanna voru þýddar af Guðna Kolbeinssyni, Jóni Halli Stefánssyni og Frank Hall.

 

Áskriftarveitan Storytel opnaði á Íslandi 20. febrúar síðastliðinn. Áskrifendur þjónustunnar eru komnir yfir 7.000 og fer ört vaxandi. Storytel hefur framleitt og gefið út um 100 íslenskar hljóðbækur frá opnun og er fjöldi íslenskra titla kominn á fimmta hundrað en auk þeirra eru yfir 40.000 enskar hljóðbækur og rafbækur í boði.

Pottermore útgáfan gefur út Harry Potter og Fantastic Beast seríurnar sem og aðrar hljóðbækur og rafbækur frá Wizarding World™. Markmiðið er að leiða nýstárlega þróun í stafrænni útgáfu og leiða saman aðdáendur til lengri tíma og nýjar kynslóðir lesenda sem munu halda upp á og gæða lífi sögurnar sem hófust fyrst með drengnum sem lifði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 klukkutímum

Ákveðið gen eykur líkurnar á að fólk verði háð kannabis – Umfangsmikil rannsókn á Íslendingum og Dönum

Ákveðið gen eykur líkurnar á að fólk verði háð kannabis – Umfangsmikil rannsókn á Íslendingum og Dönum
Fréttir
Fyrir 2 klukkutímum

Kennari liggur undir þungu ámæli vegna skrifa um nemendur: Segir íslenska grunnskólanemendur beita ofbeldi og fölskum ásökunum

Kennari liggur undir þungu ámæli vegna skrifa um nemendur: Segir íslenska grunnskólanemendur beita ofbeldi og fölskum ásökunum
433
Fyrir 3 klukkutímum

AC Milan staðfestir ráðningu á nýjum stjóra

AC Milan staðfestir ráðningu á nýjum stjóra
Eyjan
Fyrir 3 klukkutímum

Ómar himinlifandi með ný lög um kynrænt sjálfræði: „Engin leikur sér að því að láta leiðrétta kyn sitt eða breyta skráningu á kyni“

Ómar himinlifandi með ný lög um kynrænt sjálfræði: „Engin leikur sér að því að láta leiðrétta kyn sitt eða breyta skráningu á kyni“
Eyjan
Fyrir 4 klukkutímum

Hafnarfjarðarbær kolefnisjafnar rekstur sveitarfélagsins – Fyrst íslenskra sveitarfélaga

Hafnarfjarðarbær kolefnisjafnar rekstur sveitarfélagsins – Fyrst íslenskra sveitarfélaga
433Sport
Fyrir 4 klukkutímum

Fljótustu félagaskipti sögunnar?: ,,Þetta tók 20 mínútur“

Fljótustu félagaskipti sögunnar?: ,,Þetta tók 20 mínútur“