Velgengni sjónvarpsþáttaraðarinnar Fangar heldur áfram, en nú hafa framleiðendur hennar hafa skrifað undir samning við bandarísku sjónvarpsstöðina AMC um dreifingu þáttanna í hinum enskumælandi heimi, Bretlandi, Nýja Sjálandi, Ástralíu og í Bandaríkjunum.

Þetta kom fram á Facebook-síðu þáttanna í gær. Sjónvarpsstöðin hefur framleitt fjölda verðlaunaþátta á borð við Breaking Bad, Mad Men og The Walking Dead og eru Fangar því komnir í góðan félagsskap.

Þættirnir eru, eins og komið hefur fram, tilnefndir til 14 Edduverðlauna, en verðlaunin verða afhent á Sunnudag.