Reykjavík Kabarett verður áfram í vetur með vikulegar „late night“ í Reykjaík. Engar tvær sýningar eru eins, en íslenskir og erlendir gestir mæta á hverja sýningu.
Í kvöld er það hin drepfyndna grínamma María Guðmundsdóttir sem stígur á stokk með burlesque-uppistand og Skarphéðinn frá Fljótstungu fagnar tíu árum frá því hann var krýndur dragkóngur Íslands. Lárus Blöndal fremur fullorðinstöfrabrögð og Maísól mun koma fólki í opna sjöldu. Burlesquedrottningin Margrét Maack heillar áhorfendur, nýkomin heim af átta vikna sýningarferðalagi um Evrópu. Hin ávala Kimmy Von Shimmy frá Englandi leikur listir sínar, Daníel Polekington sýnir öndvegissúludans og frá New York, nánar tiltekið frá Coney Island koma Velvet Crayon og fakíkrinn Jellyboy the Clown (engar áhyggjur, hann er ekki svoleiðis trúður) og alla leið frá Nashville kemur glamúrdrottningin Jenna Beth. Margo ber svo ábyrgð á allri vitleysunni.
Sýningin hefst kl. 22 í Þjóðleikhúskjallaranum og er bönnuð innan 18.
