Heimildamyndin UseLess eftir Rakel Garðarsdóttur og Ágústu M. Ólafsdóttur fékk nýlega tvær viðurkenningar á kvikmyndahátíðinni Deauville Green Awards sem fer fram árlega í Deauville í Frakklandi. Hlaut myndin silfurverðlaun í flokknum Fight and adaption to climate change og sérstaka viðurkenningu frá EcoAct.

UseLess var frumsýnd á Skjaldborgarhátíðinni á Patreksfirði í maí og hefur í kjölfarið verið boðið að taka þátt á hátíðum víðsvegar um heim. Í myndinni er ungri móðir fylgt eftir þar sem hún reynir að komast að því hversvegna matarsóun er svona algeng og hvað hægt er að gera til að sporna við því.