Streymisveitur njóta vaxandi vinsælda og fremstar þar í flokki eru án efa Netflix, Hulu og Amazon. Netflix og Amazon eru aðgengilegar Íslendingum en þjónusta Hulu er aðeins aðgengileg í Bandaríkjunum nema með krókaleiðum.
Hollywood Reporter tók í vikunni saman lista yfir vinsælustu þætti þessara streymisveita. Listinn tekur til septembermánaðar og á honum mmá sjá að vinsælustu þættirnir á Netflix voru, í þessari röð: Narcos, Stranger Things, Ozark, Orange is the New Black og Marvel‘s The Defenders.
Á Hulu var The Handmaid‘s Tale í efsta sæti en þar á eftir komu þættirnir 11.22.63, The Path, Chance og Harlots. Og hjá Amazon var The Man in the High Castle, The Tick, The Grand Tour, Transparent og Comrade Detective í efstu sætunum.
