Fyrsti þátturinn í nýju íslensku spennuþáttaröðinni Brot var sýndur á RÚV í gærkvöldi. Sagan hefst þegar eldri karlmaður finnst myrtur við Reykjavíkurhöfn undir óvenjulegum kringumstæðum og í kjölfarið fer af stað ótrúleg atburðarrás sem tengist atburðum sem áttu sér stað á drengjaheimili. Nína Dögg Filipusdóttir og Björn Thors fara með aðalhlutverk í þáttunum. Til stendur að sýna þættina í 190 löndum á næsta ári.
Skiptar skoðanir voru á fyrsta þætti Brots. Biggi lögga og Björgvin Halldórsson tjáðu sig meðal annars um þáttinn og hafði íslenska samfélagið á Twitter einnig ýmislegt að segja.
Hvað fannst þér um þáttinn? Taktu þátt í könnuninni neðst í greininni.
„Fyrir utan ókeypis pylsur er fátt sem sameinar íslensku þjóðina meira en íslenskir sjónvarpsþættir. Við elskum að hafa skoðun á þeim. Ég líka 🙂 Í kvöld byrjaði Brot á RUV. Þeir verða væntanlega umræðuefni kaffistofa morgundagsins og jólaboða helgarinnar,“ skrifar Biggi lögga í færslu á Facebook.
! Ég held að flestar alvöru löggur eigi það sameiginlegt að fá reglulega nettan kjánahroll yfir svona íslenskum lögguþáttum. Þetta eru vissulega skáldsögur og við verðum að reyna að muna að þeir sem skrifa þættina hafa að sjálfsögðu sitt skáldaleyfi til að reyna að gera lögregluna áhugaverða og áhorfendavæna. Mér fannst það t.d. takast mjög vel í Ófærð. Miðað við fyrsta þátt sýnist mér því miður að það takist ekki jafn vel í Brot. Ég átti mjög erfitt með að losna við kjánahrollinn einhverra hluta vegna. Það var óþarflega margt kjánalegt og með engum sýnilegum tilgangi. Það finnst mér pínu óþarfi. Ég væri til í að hafa svona þætti eins nálægt raunveruleikanum og hægt er og að hlutum sé breytt með tilgangi. En kannski er það bara smámunasemi í mér.“
Hann segir að samkvæmt handritshöfundunum eru lögreglustöðvar greinilega allra leiðinlegustu vinnustaðir landsins „og lögreglumenn ömurlega óáhugaverðir og flatir karakterar. Það talar enginn í alvörunni eins og þetta fólk. Án gríns. Samræðurnar eru svo kjánalega yfirborðslega eitthvað.“
Biggi endar síðan gagnrýni sína með því að gefa Brot tvær og hálfa stjörnu. Hann ætlar þó að halda áfram að fylgjast með þáttunum með von og trú á betri tíð.
Björgvin Halldórsson söngvari var sáttur með þættina. „Serían Brot á RÚV lofar góðu. Nína kemur sterk inn ásamt fleiri frábærum leikurum. Þetta verður skemmtilegt.. „Erlendis,““ skrifar hann á Facebook.
Íslenska Twitter-samfélagið hafði að sjálfsögðu margt að segja um þættina. Myllumerkið #brot var notað til að merkja færslur um þættina. Við tókum saman vinsælustu tístin.
Íslenskt Sjónvarpsþátta bingo
Einhver ælir
Nekt
Lögga sem er skilin
Drunglega músik
Svekkt lögga
Magnús Ragnarson
Bíl keyrir lengi
drónaskot#brot— Gudni Halldórsson (@GudniKlipp) December 26, 2019
Ahhhh ekta íslenskt sjónvarpsefni að byrja, 2 mínútur liðnar og fyrsta dodo-ið búið. Þetta lofar hörkugóðu 🥴 #brot
— Sigvaldi A Larusson (@sal0401) December 26, 2019
Hér eru glænýjar upplýsingar: Það eru til fleiri leikarar en þessi sömu 9 manns sem eru alltaf fengin í allt. #Brot
— Ólöf Hugrún (@olofhugrun) December 26, 2019
Ætlaði að fara að fylgjast með nýju íslensku sjónvarpsþáttaröðinni en hasstaggið #brot er bara um þýska brauðgerð. Hvar er fólk að fylgjast með þessu?
— Eiríkur Örn Norðdahl (@eirikurorn1) December 26, 2019
1.04 í stuðul að Edda Björgvins hafi drukkið þetta koníak#brot
— Björn Teitsson (@bjornteits) December 26, 2019
Starfsmenn @ruvohf eru orðnir svo skilyrtir af öllum lagaákærunum frá mér að þeim datt enginn annar í hug í hlutverk ríkislögreglustjóra… #Brot
— Magnus Ragnarsson (@MagnusRagnars) December 26, 2019
Fyrsti þáttur af Netflix og Rúv seríunni #Brot lofar góðu! Einstaklega gaman að sjá @BergurEbbi og Eddu Björgvins sem eru hér saman á skemmtilegri stundu að dissa Netflix áhorf 😂 https://t.co/zCw9xtziS6
— Berglind Ósk (@berglind0sk) December 26, 2019
Ég hef svo margar spurningar varðandi þessa stöðuhækkunarsenu alla. Það hegðaði bókstaflega enginn sér þarna eins og venjuleg manneskja frá plánetunni jörð. #brot
— Hrafn Jónsson (@hrafnjonsson) December 26, 2019
Hvað segja lesendur, hvað fannst þér um þættina?