fbpx
Laugardagur 15.ágúst 2020
Fókus

Svali lítur yfir árið – „Eitt sem við höfum svo sannarlega lært af þessu ferðalagi og það er að enginn veit sína „ævina…“

Ragna Gestsdóttir
Þriðjudaginn 1. janúar 2019 16:00

Ekki missa af Helstu tíðindum dagsins í pósthólfið þitt

Lesa nánar

„Það var frábært að eyða jólunum og áramótunum hér. Viðurkenni að það er öðruvísi en heima á Íslandi, fór lítið fyrir aðventunni og einhvernveginn var dýpra á jólaskapinu en oft áður,“ segir útvarpsmaðurinn Svali Kaldalóns á bloggsíðu sinni, en hann býr ásamt konu og sonum á Tenerife.

Á bloggsíðunni skrifar hann um daglega lífið á Tenerife. Einnig má fylgjast með Svala á Facebook, Instagram og Snapchat: svalik. Podcast er væntanlegt.

Allt í einu er orðið ár síðan við fluttum út, tíminn gjörsamlega æðir áfram þessi misserin. Ég sá fyrsta árið fyrir mér öðruvísi, get ekki alveg útskýrt hvernig, en sá þetta öðruvísi fyrir. Ekki misskilja mig, ekki að þessi tími hafi verið verri en ég átti von á, en þetta var klárlega erfiðara en ég hafði ímyndað mér. Það er erfitt að fara rífa sig upp og flytja með alla fjölskylduna svona út, mér fannst það ekki fyrir ári en finnst það núna. Síðasti vetur var erfiður fyrir drengina í skólanum, komu inn í skólann og skildu ekki neitt. Kannski ekki við öðru að búast en þeir vildu oft hætta við og fara bara aftur heim. Það er skrýtið að vera að sannfæra börnin sín um að þetta sé allt í góðu og að þeir muni græða á þessu seinna, skilningurinn þeirra á „seinna“ er ekki mikill á þessum aldri(10 og 11 ára). En svo hefur tíminn liðið og þessi vetur búinn að vera miklu betri en sá síðasti. Varð vitni að því að annar sonurinn var að tala við kennarann og það allt á spænsku, ekkert hik bara lýtalaus spænska sem þeir töluðu. Þá allt í einu fattaði ég hvað drengirnir eru komnir langt. Ég varð svo meir og stoltur af honum og þeim báðum að ég gat lítið annað gert en brosað allan hringinn. 12 mánuðum síðar tala þeir spænsku, vá hvað það er magnað og örugglega ekki slæmt að taka það með sér út í lífið.

Sun Activity 4 U heitir fyrirtækið okkar á Tenerife. Með fyrirtækinu fékk ég, og við sem að fyrirtækinu koma, leyfi til að vera með Íslendinga í alls kyns ferðum á eyjunni. Við munum opna heimasíðuna tenerifeferdir.is og sunactivities.net núna í janúar þar sem allt verður útlistað sem í boði verður, en þangað til er hægt að líka við síðuna okkar á Facebook: Tenerife Ferðir. Verðum þar í samskiptum við fólk sem langar að koma hingað til að skoða og njóta. En þetta verkefni er í hægum en góðum farvegi og ljóst að það eru spennandi tímar framundan. Ég er að vinna fyrir Vita í vetur, búið að vera mjög skemmtilegur tími og alveg magnað hvað ég hef kynnst mikið af farþegunum sem hafa komið og raunar eignast þar nokkra vini, það auðgar mann að hitta og spjalla við fólk það er alveg á tæru.

Það var frábært að eyða jólunum og áramótunum hér. Viðurkenni að það er öðruvísi en heima á Íslandi, fór lítið fyrir aðventunni og einhvernveginn var dýpra á jólaskapinu en oft áður. Ekki vantaði skreytingarnar í bæinn eða á heimilið. Það var ekki það, sennilega bara veðrið. Líka kannski að hér er ekki spiluð jólatónlist í útvarpinu og ekki mikið um jólamyndir í sjónvarpinu. Svona eitt og annað sem maður er vanur er ekki hér. Aðfangadagur hér er eiginlega bara venjulegur dagur, allt opið frameftir og ekki mikið stress. Við fórum bara út að borða í góðra vina hópi og nutum vel, komum svo með alla heim til okkar þar sem var spilað frameftir. Pakkajólin okkar voru svo á jóladagsmorgun, höfum gert það áður heima á Íslandi og það er hefð sem okkur líkar mjög vel. Allir í náttfötum að opna pakka í rólegheitum og allur dagurinn framundan til að njóta. Skil eiginlega ekki af hverju við vorum ekki löngu byrjuð á þessu. Tengdaforeldrar mínir komu svo þann 29.desember og eru með okkur hér yfir áramótin. Algjörlega frábær tími.

Á nýju ári 2019 ætla ég að hafa allt galopið, takast á við nýja hluti og auðga líf mitt með jákvæðni og gleði. Njóta hvers dags eins og hann er og fárast ekki yfir litlu hlutunum sem skipta svo engu máli. Eitt sem við höfum svo sannarlega lært af þessu ferðalagi og það er að enginn veit sína „ævina…“

Bestu kveðjur frá okkur í Tenelandi, Svali, Jóhanna, Sigvaldi, Valur og Siggi Kári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fókus
Fyrir 2 dögum

Þáttastjórnandi Hringbrautar í sóttkví sendir út heiman frá sér –  Hefur mestar áhyggjur af háværum heimilisketti

Þáttastjórnandi Hringbrautar í sóttkví sendir út heiman frá sér –  Hefur mestar áhyggjur af háværum heimilisketti
Fókus
Fyrir 3 dögum

Netverjar hafa Samherja að háði og spotti – „Samherji vill að ALLIR viti að þeir séu hálfvitar“

Netverjar hafa Samherja að háði og spotti – „Samherji vill að ALLIR viti að þeir séu hálfvitar“
Fókus
Fyrir 4 dögum

Fjölgun hjá Pírata – „Við hjónaleysin erum himinlifandi“

Fjölgun hjá Pírata – „Við hjónaleysin erum himinlifandi“
Fókus
Fyrir 4 dögum

„Margir feður sem teldu það tómt rugl að hætta í skóla til þess að láta berja sig“

„Margir feður sem teldu það tómt rugl að hætta í skóla til þess að láta berja sig“
Fókus
Fyrir 6 dögum

Svona eiga þau saman – Andstæður laðast hvor að annarri

Svona eiga þau saman – Andstæður laðast hvor að annarri
Fókus
Fyrir 1 viku

5 uppáhalds skip Önnu Kristjáns

5 uppáhalds skip Önnu Kristjáns
Fókus
Fyrir 1 viku

Nítján ára íslensk kona græddi 720 þúsund krónur á þremur vikum á OnlyFans

Nítján ára íslensk kona græddi 720 þúsund krónur á þremur vikum á OnlyFans
Fókus
Fyrir 1 viku

Hrafnhildur Gunnars: Áður fyrr óhugsandi að tvær lesbíur og tveir hommar myndu eignast barn saman

Hrafnhildur Gunnars: Áður fyrr óhugsandi að tvær lesbíur og tveir hommar myndu eignast barn saman