Justin Timberlake og Jessica Biel eru búin að setja íbúð sína í Soho á sölu og verðmiðinn er „aðeins“ 8 milljónir dollara eða um 800 milljónir íslenskra króna.
Um er að ræða íbúð með þremur svefnherbergjum og þremur baðherbergjum í Soho Mews, lúxushverfi á West Broadway. Eignin er 240 fermetrar og verönd, víngeymsla, upphituð gólf í hjónaherberginu og gaseldstæði prýða hana, en Timberlake festi kaup á henni árið 2010 fyrir rúmar 6,5 milljónir dollara.
Sameiginleg líkamsræktaraðstaða og garður er fyrir íbúa hússins, auk móttöku sem er opin allan sólarhringinn.
Fyrir ári festi parið kaup á íbúð stutt frá í Greenwich í fyrrum verksmiðju sem breytt var í lúxus íbúðir. Á meðal nágranna þeirra þar eru Jennifer Lawrence, Blake Lively, Meg Ryan og Rebel Wilson.
Fleiri myndir má sjá á heimasíðu fasteignasölunnar.
