Á laugardaginn frumsýndi Borgarleikhúsið Bláa hnöttinn eftir Andra Snæ Magnason. Leikgerðin er eftir Berg Þór Ingólfsson sem jafnframt leikstýrir verkinu. Um er að ræða söngleik fyrir börn. Tónlistin er samin af Kristjönu Stefánsdóttur.

Leikritið fjallar um börn sem búa lengst úti í geimnum og fullorðnast ekki. Enginn skipar þeim fyrir verkum; þau sofa þegar þau eru þreytt, borða þegar þau eru svöng og leika sér þegar þeim dettur í hug. Kvöld eitt birtist stjarna á himnum sem fellur til „jarðar“ með miklum látum. Í reyknum mótar fyrir skuggalegum verum og hefst þá mikið og hættulegt ævintýri.

Einvala lið leikhúsgesta var viðstatt frumsýninguna eins og sjá má á meðfylgjandi myndum, en á vef Borgarleikhússins segir að verkið hafi farið sigurför um heiminn.

Feðgar Ólafur Stephensen, framkvæmdastjóri Félags atvinnurekenda, ásamt syni sínum, Stefáni Birni.

Feðgin Lovísa Halldórsdóttir með pabba sínum, leikaranum Halldóri Gylfasyni.

Hjón Andri Snær ásamt Margréti Sjöfn Torp hjúkrunarfræðingi.

Þrjár kynslóðir Hér eru mæðgurnar frú Vigdís Finnbogadóttir og Ástríður Magnúsdóttir. Með þeim á myndinni er dóttir Ástríðar.

Hýr á brá Stefán Jónsson leikari og Kristín Eysteinsdóttir, leikhússtjóri Borgarleikhússins.

Naglbítarnir Vilhelm Anton Jónsson og Illugi Vilhelmsson.