Stefán Hilmarsson hélt afmælistónleika í Hörpu á föstudag og flutti þar þekkta slagara
Stefán Hilmarsson flutti úrval þekktra laga sem hann hefur samið og sungið á þrjátíu ára ferli, ýmist undir eigin nafni eða samstarfsmanna og hljómsveita, á afmælistónleikum í Eldborg í Hörpu á föstudagskvöldið. Tilefnið er að Stefán varð fimmtugur í sumar.
Hljómsveit undir forystu Þóris Úlfarssonar lék undir en fram komu einnig Björgvin Halldórsson, Eyjólfur Kristjánsson, Jóhanna Guðrún Jónsdóttir og Páll Rósinkranz. Þá létu Gospelkórinn Gisp og Hornaflokkurinn Honk til sín taka.
