„Á morgun fer einhyrningurinn á vit feðra sinna nema við náum að bjarga honum.“ Þetta segir fjölmiðlakonan og þúsundþjalasmiðurinn Margrét Erla Maack sem leitar nú að geymslu undir einhyrninginn sem prýddi vagn Páls óskars í Pride-göngunni síðastliðinn laugardag.

Margrét Erla segir í samtali við DV að hún sé mögulega komin með framtíðarheimili fyrir einhyrninginn en hún ásamt Lóu Hjálmtýsdóttur og Danielle Strle eru með áform um að opna lista- og vísindasafn fyrir börn og fullorðna.
„Einhyrningurinn passar fullkomlega inn í þá hugmynd.“

Margrét bendir þó á að einhyrningurinn er mjög stór. 10 metra langur og 8 metra hár. Nú er þó verið að skoða hvernig best sé að taka hann í sundur og hvort það sé yfirhöfuð hægt að setja hann aftur saman.

Henni þykir synd að svo stórkostlegt listaverk fái ekki að lifa nema í nokkra daga. Hún óskar því eftir aðstoð almennings sem gæti lánað henni geymslurými undir verkið. Það tekur að töluvert pláss ef hægt verður að taka hann í sundur þá væri hægt að geyma hann á nokkrum stöðum þar til honum verður komið á framtíðarheimili sitt.

„Ef einhver vill ættliða einhyrningalund eða brjóst þá endilega að hafa samband,“ segir Margrét Erla að lokum.