„Ég heit Þorgeir Atli er átta ára og mjög mikill mömmustrákur.“ Á þessum orðum hefst stutt myndskeið sem sýnir ungan dreng tjá sig um nokkur málefni sem eru honum mjög hugleikin.

Stoltur af fjölskyldunni

Þorgeir, sem sló svo eftirminnilega í gegn með jólakveðjunni sinni, á ekki bara eina mömmu heldur þrjár og hann veit líka upp á hár að ástin getur verið allskonar. María Rut Kristinsdóttir, ein af mæðrum Þorgeirs Atla, segir í samtali við DV að hann sé mjög stoltur af sínu fjölskyldumynstri.

Þorgeir var með snapp Hinseginleikans í gær en áhugasamir geta fylgst með SnapChat aðgangi miðslins undir nafninu Hinseginleikinn.

Miklar hlutina ekki fyrir sér

Líkt og með flest lítið fólk þá er Þorgeir Atli ekkert að mikla hlutina fyrir sér. Eins og hann útskýrir sjálfur þá greinir hann mömmurnar sína stundum að með því að bæta upphafstafnum í nafninu þeirra fyrir aftan „mamma“ þegar spurningunni er sérstaklega beint til ákveðinnar mömmu.

Þorgeir Atli lætur ótal viskukorn falla í myndskeiðinu sem birtist hér að neðan en eitt af þeim er:

„Ef þú heldur að þú sért samkynhneigður þá áttu bara að koma út úr skápnum.“