Hin tvítuga Charlotte Bryant þjáðist af stöðugum bakverkjum og leitaði í þrígang til lækna. Enginn þeirra náði að koma auga á að hún var komin níu mánuði á leið. Sjálf var hún algjörlega grunlaus þar til hún fór á salernið eitt kvöldið.

Charlotte sem kemur frá Cardiff í Wales var fyrst tjáð að hún væri með vöðvabólgu og skrifað var upp á verkjalyf. Hún hafði enga hugmynd um að hún væri með barni enda hafði hún haft blæðingar og fann ekki fyrir neinum hreyfingum í maganum. „Ég hafði bætt aðeins á mig en ég hélt bara að ég hefði verið að borða of mikið af köku,“ segir hún en þetta kemur fram á vef Mirror
Þriði læknirinn sem hún heimsótti sagði henni að um hægðatregðu væri að ræða og var hún send heim með hægðalyf. „Ég fór heim og tók eina töflu. Stuttu síðar fann ég sterka þörf til þess að fara á klósettið.“

„Ég sat á klósettinu og allt í einu fann ég fyrir einhverju á milli fótana á mér. Ég rembdist, leit niður og sá andlit horfa á mig. Þetta var algjörlega súrrealískt. Ég öskraði því á næst á eldri bróður minn sem var heima að ég væri búin að eignast barn. Hann kallaði á mig að hætta þessum fíflalátum en kom svo niður og sá mig halda á barni í fanginu,“ segir hún jafnframt en í ofboði vafði hún nýfæddu syni sínum í handklæði og beið eftir sjúkrabíl sem kom tíu mínútum síðar. „Ég átti auðvitað ekki neinn skapaðan hlut handa honum, ekki einu sinni bleyjur.“

Sjúkraliðar mættu á staðinn, klipptu á naflastreng drengsins og var farið með hann á sjúkrahús. Á meðan læknar sinntu drengnum sendi Charlotte kærasta sínum og barnsföður símamynd af nýfæddum syninum með þeim skilaboðum að hann væri orðinn pabbi. „Hann trúði mér ekki. Hann hélt fyrst að ég væri að grínast í honum,“ segir hún en bætir við að í dag njóti parið samvista með litla drengum, sem fengið hefur nafnið Joshua.