17 ára stúlka greindi nýverið frá því á Twitter að skilnaður foreldra hennar væri formlega gengin í gegn eftir 19 ára hjónaband.

Innleggið hefur vakið gríðarlega athygli fyrir þær sakir að þennan sama dag fékk móðir hennar sendan blómvönd, frá sínum fyrrverandi, sem var gerður úr hennar uppáhalds blómum ásamt hjartnæmri laglínu.

Bjóst ekki við athyglinni

Í samtali við Huffington Post segir stúlkan, Morgan Lynn, að hún hafi alls ekki búist því að að tístið fengi svo mikla athygli. Hún vonast þó til þess að innleggið verði til þess að fólk sjái að skilnaður geti verið af hinu góða.

„Þó svo að foreldrar mínir hafi ákveðið að skilja þá elska þau hvort annað ennþá.“
Í skilaboðunum sem móðir hennar fékk með blómvendinum stendur, Always Gonna Be You. Það er laglína og titill lags úr smiðju Kenney Chesney.

Lokalagið

Þegar hjónin fyrrverandi gengu í það heilaga fyrir 19 árum var lag Kenney Chesney, „You Had Me From Hello,“ spilað í brúðkaupinu þeirra.

Eftir að faðir Morgan heyrði lagið „Always Gonna Be You,“ sagði hann dóttur sinni að í sínum huga yrði það alltaf lokalagið þeirra. Því setti hann þessi skilaboð í kortið til fyrrverandi eiginkonu sinnar við þetta tilefni.

Þá segir Morgan að skilnaðurinn sé sannarlega erfiður fyrir alla fjölskylduna en það hjálpi mikið hvað foreldrar hennar séu miklir vinir.