Jón Viðar Arnþórsson, formaður íþróttafélagsins Mjölnis, og kærasta hans, Sóllilja Baltasarsdóttir, hafa fest kaup á 300 fermetra einbýlishúsi með tvöföldum bílskúr rétt hjá Hveragerði.

Greindi Jón frá fasteignakaupunum í Facebook-færslu þar sem hann segir þau hafa keypt húsið á „svipuðu verði og rottuhola í Vesturbænum færi á“. Bætir hann við að 6.300 fermetra land hafi fylgt með í kaupunum.

Jón bjó áður í Hveragerði með fyrrverandi kærustu sinni, leik- og söngkonunni Ágústu Evu Erlendsdóttur. Keyptu þau einbýlishús í bænum fyrir rúmum tveimur árum og sagði Jón þá á samfélagsmiðlum að húsið hefði kostað jafn mikið og „tveggja herbergja rottuhola í Vesturbænum“.