Fjölmiðlamaðurinn Atli Fannar Bjarkason þreytti frumraun sína í Vikunni hjá Gísla Marteini Baldurssyni í kvöld, en DV greindi frá því í gær að hann yrði fastur gestur í þættinum í vetur. Í sínu fyrsta innslagi gerði Atli Fannar upp fréttir vikunnar.

Hann gerði stóplagrín að Kristjáni Má Unnarssyni fréttamanni og Guðna Th. Jóhannessyni forseta svo einhverjir séu nefndur. Þá tók hann Framsóknarflokkinn frekar hraustlega fyrir, en flokksþing flokksins var mikið í fréttum í vikunni sem er að líða.

Hann sagði meðal annars að ákveðinn hópur innan Framsóknarflokksins teldi að Sigmundur Davíð væri „litla snoðaða stelpan með ofurkraftana í Stranger tings. Þau telja að vandræði hans séu skrímslum úr hliðrænni veröld að kenna og hluti af víðtæku samsæri.“

Atli Fannar sagði að Sigmundur Davíð nyti víðtæks stuðnings innan flokksins enda hefði hann tapað fyrir Sigurði Inga Jóhannssyni með litum mun. Á meðal stuðningsmanna hans væri Þorsteinn Sæmundsson, þingmaður flokksins. „Þorsteinn Sæmundsson sem er reyndar það sama fyrir stjórnmál og Toro pakka-bernaise er fyrir sósur. Hann lítur út eins og alvöru stjórnmálamaður og við myndum trúa því ef árið væri 1986 og við bara vissum ekki betur.“

Innslag Atla má sjá hér fyrir neðan.

[youtube https://www.youtube.com/watch?v=OZtRwsYB130&w=560&h=315]