Manuela Ósk Harðardóttir birti í morgun af sér nektarmynd. Er myndin í ætt við þá sem Kim Kardashian birti af sér inni á baðherbergi. Vísir greinir frá þessu en Manuela er afar vinsæl á samfélagsmiðlum, bæði á snapchat og Instagram en á síðarnefnda miðlinum á Manuela um 50 þúsundund fylgjendur.
Myndin er tekin í París en Manuela hefur sagt að til þess að ná vinsældum á samfélagsmiðlum þurfi að fara í ákveðinn karakter, efnið þurfi að vera áhugavert og fólk að gera hluti sem það myndi jafnvel ekki gera sjálft undir venjulegum kringumstæðum.
„Það er mjög mikilvægt að þeir sem fylgja mér geri sér grein fyrir því út af því það eru oft mjög steiktir hlutir sem eiga sér stað á Snapchat,“ segir Manuela en á Vísi má sjá myndskeið þar sem hún ræðir um samfélagsmiðlana og hvernig sé hægt að nýta þá.
