„Allir i liðinu fengu „Gangi ykkur vel“ frá Guðna forseta, nema kallinn. Ég fékk „good luck“. Frá þessu greinir íslenski landsliðsmaðurinn Kristófer Acox á Twitter.

Ísland vann öruggan sigur á Sviss í fyrsta leik undankeppni Eurobasket í Laugardalshöll í gærkvöldi. Leikurinn vannst með 16 stiga mun. Kristófer greinir á Twitter frá skemmtilegu atviki sem varð fyrir leikinn. Forseti Íslands, Guðni Th. Jóhannesson heilsaði upp á leikmenn en hann var heiðursgestur á leiknum.

Stúdent Kristó og móðir hans þegar hann útskrifaðist sem stúdent árið 2013 úr Kvennaskólanum.

Vísir greinir frá því að ellefu af tólf leikmönnum Íslands hafi verið ávarpaðir á móðurmálinu. Kristófer, sem á þeldökkan föður og hefur því dekkra litarhaft en félagar hans í landsliðinu, ólst upp og bjó á Íslandi til ársins 2013 en fluttist þá til Bandaríkjanna þar sem hann leikur körfubolta og stundar nám. Íslenska er hans móðurmál.

Kristófer er spurður að því á Twitter hverju hann hafi svarað. Ekki stóð á svari landsliðsmannsins, sem spilaði vel í gær. „Thanks bruh“.