Frambjóðandinn skipuleggur gönguferð um Elliðaárdal
Áslaug Arna Sigurbjörnsdóttir, ritari Sjálfstæðisflokksins og frambjóðandi í prófkjöri flokksins í Reykjavík, ætlar á sunnudag að standa fyrir gönguferð um Elliðaárdal.
Langar Áslaugu þá að hitta fólk og spalla um stjórnmálin og hefur hún fengið fuglafræðinginn Aron Leví Beck til liðs við sig en hann mun ganga með og tala um fuglana í borgarlandinu. Áslaug hefur hvatt áhugasama til að skrá sig á Facebook-viðburð sem hún hefur stofnað utan um göngutúrinn. Sjálf er hún uppalin í Ártúnsholtinu og þekkir því svæðið vel.
