Er stjarna fædd? Óhætt er að segja að hinn 13 ára gamli Sindri Freyr hafi unnið hug og hjörtu dómnefndarinnar í Ísland Got Talent í kvöld eftir að hafa spilað á úkulele og flutt lagið When I was Your Man með söngvaranum Bruno Mars. Uppskar hann meðal annars standandi fögnuð frá áhorfendum sem og einum dómaranna. Sjálfur átti Sindri erfitt með að halda aftur af tilfinningum sínum í enda flutningsins.

Sindri ferðaðist í fimm klukkustundir frá Ísafirði til að geta stigið á sviðið en hann hefur verið viðloðinn tónlistina frá unga aldri. „Ég vonast til að gera mömmu stolta, og fjölskyldu mína,“ sagði hann meðal annars áður en hann steig á svið.

Fagnarlætin brutust út eftir að Sindri lauk flutningi sínum og voru viðbrögðin slík að hann átti erfitt með að halda aftur af tárunum. „Þú ert gullbarki. Aldeilis gott að þú haldir velá spöðunum, drengur,“ sagði Ágústa Eva. „Þú áttir alveg salinn,það er alveg augljóst,“ sagði Marta María. Flutning Sindra má sjá hér fyrir neðan.