Skiluðu sér ekki í flug
Búið er að kalla út allar björgunarsveitir á Vesturlandi, auk sporhunda og stjórnstöðvarbíls af höfuðborgarsvæðinu, til að leita tveggja erlendra ferðamanna við Löngufjörur á Snæfellsnesi. Þetta kemur fram í fréttatilkynningu frá Slysavarnarfélaginu Landsbjörg.
Bílaleigubíll ferðamannanna fannst við Löngufjörur í dag en honum átti að skila í gær. Þá áttu ferðamennirnir einnig bókað flug úr landi en skiluðu sér ekki í það.
