Þvert á það sem margir kynnu að halda er ekki bara að finna klámfengið efni á OnlyFans þó slíkt efni hafi mótað orðspor síðunnar á undanförnum árum.
Höfundar stjórna sjálfir hvaða efni þeir setja inn og eru dæmi um tónlistarmenn og leikara sem selja aðgang að efni „á bak við tjöldin” ef svo má segja. Athygli er vakin á því að tölurnar sem birtast hér að neðan byggja á áætlunum, til dæmis út frá fjölda áskrifenda og öðrum tekjustraumum í gegnum vefsíðuna.
1. Iggy Azalea — 9,2 milljónir dala á mánuði
Þessi 35 ára ástralski rappari mokar inn seðlum á OnlyFans og er raunar langtekjuhæsta stjarnan þar. Iggy birtir meðal annars djarfar myndir af sér auk þess að birta efni sem sýnir líf hennar á bak við tjöldin.
2. Mia Khalifa — 6,42 milljónir dala á mánuði
Mia er fyrrverandi klámmyndaleikkona og var um tíma ein sú allra vinsælasta í heiminum. Aðdáendur greiða 12 dollara á mánuði til að fá aðgang að öllu efninu á síðu hennar. Á síðunni deilir hún allskonar efni sem er ekki beinlínis kynferðislegt.
3. Erica Mena — 4,49 milljónir dala á mánuði
Erica Mena er kannski þekktust sem raunveruleikastjarna þó hún hafi einnig reynt fyrir sér í leiklist og tónlist. Hún birtir djarfar myndir af sér en líka efni sem tengist líkamsrækt, förðun og listum. Þá geta aðdáendur greitt fyrir nánari samskipti við hana.
4. Danielle Bregoli (Bhad Bhabie) — 4,4 milljónir dala á mánuði
Bhad Bhabie er rappari og áhrifavaldur og hefur verið á OnlyFans frá því hún var 18 ára. Hún talaði eitt sinn um að hún hefði þénað meira en eina milljón dollara á fyrstu sex klukkutímunum.
5. Sophie Rain — 2,9 milljónir dala á mánuði
Sophie Rain er 21 árs og búsett í Flórída. Hún nýtur mikilla vinsælda meðal ungra karla og birtir einkum myndir af sér í baðfötum eða ræktarklæðnaði.
6. Jameliz Benitez Smith — 1,63 milljónir dala á mánuði
Jameliz birtir einkum erótískt og kynferðislegt efni og græðir vel á því.
7. Amber Rose — 845 þúsund dali á mánuði
Fyrirsætan og aktívistinn heldur sig í lágstemmdum stíl á síðunni sinni, en fær þrátt fyrir það vel greitt fyrir.
8. Heir Jordyn — 700 þúsund dali á mánuði
Jordyn Woods er fyrirsæta, áhrifavaldur og frumkvöðull sem nálgast efnið á síðunni sinni með tiltölulega lágstemmdum hætti.
9. Vera Dijkmans — 600 þúsund dali á mánuði
Þessi hollenska fyrirsæta og áhrifavaldur hefur byggt upp veldi með lifandi lífsstíls- og tískuefni á samfélagsmiðlum. Hún birtir djarfar myndir á OnlyFans án þess þó að að sýna nekt.
10. Pia Mia — Tekjur ekki staðfestar
Pia Mia er 29 ára söngkona og leikkona sem fæddist á eyjunni Guam. Hún notar OnlyFans eins og margar aðrar tónlistarstjörnur, en birtir einnig djarfar myndir sem þó sýna enga nekt.
