Eldhúspappír er snilldaruppfinning sem auðveldar fólki mjög að þrífa upp eitt og annað sem sullast niður, eða bara til að þurrka munninn. En það er sumt sem má alls ekki þrífa með eldhúspappír.

Gleraugu á alls ekki að þrífa með eldhúspappír því þau geta rispast við það. Best er að nota þar til gerða gleraugnaklúta.

Tréhúsgögn á heldur ekki að þurrka með eldhúspappír, ekki einu sinni þótt það sé bara smá ryk sem á að fjarlægja. Pappírinn getur rispað lakkið. Það er betra að nota mjúka tusku og þar til gerð hreinsiefni.

Raftæki á ekki að þurrka með eldhúspappír. Þetta á til dæmis við um farsíma. Eldhúspappírinn getur skaddað viðkvæmt yfirborðið og þú verður að nota miklu mýkri efni til að þurrka raftæki.

Ekki nota eldhúspappír til að þurrka nýja bletti á teppum. Það getur gert hlutina enn verri. Eldhúspappír dreifir hratt úr vökva á teppinu og það viltu örugglega ekki. Það er betra að nota hreint hvítt efni sem á að leggja ofan á blettinn, ekki nudda.

Eldhúspappír skilur eftir sig agnir og ef þú þurrkar dökkan fatnað með eldhúspappír, eftir að hafa sullað á þig, þá gerir það málið bara enn verra.