Sem ferðalangar könnumst við öll við þetta lúxusvandamál: Hverju á að pakka? Sama hversu stutt eða langt ferðalagið er. Nærbuxur eru nauðsynlegar en stundum getur maður lent í því að vanta hreina brók.
Ferðalangurinn Tara Woodcox sagði svo frá á Instagram að hún sé með óbrigðult ráð til að þrífa brækurnar á hótelherberginu.
„Segjum að þú sért að ferðast og þú hafir ekki pakkað nægilega mörgum nærbuxum og þú hugsar: Hverju ætla ég að vera í á morgun? Á hverju hótelherbergi er kaffikanna. Þú setur bara brókina þar sem kaffibaunirnar eru settar, loka henni, ýta á takkann og það rennur sjóðandi heitu vatni í gegnum hana.“
View this post on Instagram
„Hárþurrkan á baðherberginu? Þú notar hana til að þurrka og þá ertu kominn með hreinar nærbuxur til að vera í. Ég vissi ekki hversu margir þekktu þettaráð. Ég lærði það fyrir mörgum árum frá vinkonu minni sem var flugfreyja og það er snilld.“
Ekki ætti að taka ráð hennar of bókstaflega því augljóslega passar brókin ekki í hólfið. Hins vegar væri hægt að hita vatn og nota þannig sjóðandi vatn til að þrífa brækurnar.
Athugasemdum rigndi inn við myndbandið.
„Þetta er ekki snilld. Við skulum endurvekja sjálfsagða tillitssemi gagnvart öðrum! Gerum það eftirsóknarvert aftur.“
„Ég er hissa á því að þessu myndbandi hafi ekki verið eytt, það hlýtur að kalla á viðbrögð hótela. Þetta er svo óþægilegt, ég er svo áhyggjufullur fyrir hönd þeirra sem eru að fara eftir ráðum frá þér.“
„Ég mun aldrei nota kaffivél á hótelherbergi aftur.“
Aðrir bentu bara á gamla góða ráðið: Að þvo brækurnar í með heitu vatni og sápu í baðvaskinum.
