Katrín Tanja Davíðsdóttir, tvöfaldur heimsmeistari í CrossFit, og Brooks Laich, fyrrverandi hokkíleikmaður, eiga von á sínu fyrsta barni í haust.
„Okkar mesta blessun. Von á Laich barninu í haust. Mamma og pabbi geta ekki beðið eftir því að hitta þig, litla okkar,“ segir í sameiginlegri færslu parsins á Instagram.
View this post on Instagram
Parið opinberaði samband sitt árið 2021 og trúlofuðu þau sig í desember í fyrra.
Laich sem er tíu árum eldri en Katrín Tanja er kanadískur. Hann lék með kanadíska landsliðinu og spilaði í NHL-deildinni frá 2004 til 2018, lengst af með Washington Capitals.
Laich var áður giftur bandarísku leikkonunni og dansaranum Julianne Hough. Á meðal þeirra sem óska parinu til hamingju er dansarinn Hayley Erbert Hough, sem er gift bróður Julianne, dansaranum Derek Hough.
„Ekki grín, ég vaknaði í morgun og hugsaði um hversu spennt ég væri að hitta barn Laich! Gæti ekki verið hamingjusamari fyrir ykkar hönd.“
Danshjónin bættust í hóp Íslandsvina eftir heimsókn sína hingað í fyrra.
Sjá einnig: Heimsþekkt danshjón á Íslandi
