Endurkoma Jessicu Simpson í sviðsljósið virðist ekki vera að ganga alveg nógu vel. Hún kom fram og flutti lag í sjónvarpi í fyrsta skipti í fimmtán ár og söng lagið „These Boots Are Made for Walking“ í American Idol, ásamt fyrrverandi keppandanum Josh King. Hún söng einnig nýja lagið sitt Blame Me.

Áhorfendur voru ekki hrifnir af flutningi Simpson og fóru hörðum orðum um hana á samfélagsmiðlum. Einn líkti flutningi hennar við lestarslys og annar sagði söngkonuna hafa verið að „berjast fyrir lífi sínu“ á sviðinu.

„Þessi greyið kona veit ekki hvenær er tími til að hætta,“ sagði einn netverji.

„Hún hefði aldrei komist áfram í Idol ef hún væri í áheyrnarprufu,“ sagði annar.

Sumir komu stjörnunni til varnar  og sögðu flutninginn frábæran. Margir sögðust vera ánægðir að sjá hana aftur á bak við hljóðnemann.

Horfðu á atriðið hér að neðan.