Hjónin, Björg­vin Franz Gísla­son leikari og Berg­lind Ólafs­dótt­ir, hjónabands- og fjölskyldufræðingur, hafa sett íbúð sína við Grens­ás­veg á sölu. 

Íbúðin er á 4. hæð, 93 fm, þriggja herbergja, í fjölbýlishúsi sem byggt var árið 2024.

Íbúðin skiptist í forstofu, eldhús, borðstofu og stofu í einu rými, þar sem gengið út á svalir til suðaustur, tvö svefnherbergi og baðherbergi. 

Fjölbýlishúsið er hannað af arki­tekta­stof­un­um Archus og Rýma og með þeim fyrstu sem byggt var af nýjum húsum við Grensásveg og í Skeifunni.

Björgvin Franz kom fram í auglýsingu fyrir fasteignafélagið G1 þar sem hann dásamar nýju íbúðina og búsetu í nágrenni Laugardalsins. 

Nánari upplýsingar um eignina má finna hér.