Fjölmiðlamaðurinn Stefán Einar Stefánsson og Sara Lind Guðbergsdóttir, framkvæmdastjóri Climeworks á Íslandi, hafa ákveðið að skilja. Þetta kemur fram í færslu sem Stefán Einar birti á Facebook í morgun.
Parið hefur verið saman í þrettán ár og gifti fyrir fyrir tæpum ellefu árum síðan en í færslunni segir Stefán Einar að þau hafi í sameiningu sagt sínum nánustu fyrir nokkru síðan að þau hafi ákveðið að halda hvort í sína áttina.
„Margt hefur drifið á dagana og óteljandi minningar hafa safnast í sarpinn. Þar eru efst á baugi auðvitað drengirnir okkar tveir sem eru það dýrmætasta sem lífið hefur fært okkur en líka ferðalög um veröld víða, 45 barnabækur, bókaþýðingar og –skrif og svo margt, margt annað sem við varðveitum áfram saman og sitt í hvoru lagi.
Við lítum hvorki á þetta sem strand eða skipbrot þótt vissulega sé þungur sjór þegar ákvörðun af þessu tagi er tekin. Hún er hvorki léttvæg né tekin af léttúð.
Við ætlum að halda af stað mót framtíðinni með bjartsýni að vopni,“ skrifar Stefán Einar.
