Bókin Heklað á minnstu börnin eftir Charlotte Kofoed Westh hefur að geyma 30 fjölbreyttar uppskriftir að fallegum flíkum fyrir börn á aldrinum 0-24 mánaða – peysum, buxum, kjólum og samfellum – en einnig barnateppum og ýmsu smálegu fyrir barnið og barnaherbergið. Lagt er upp með að flíkurnar séu einfaldar og látlausar og að frágangur sé sem minnstur. Uppskriftirnar eru allar merktar með erfiðleikastigi og því geta byrjendur og reyndir heklarar fundið eitthvað við sitt hæfi.
Charlotte Kofoed Westh er danskur heklhönnuður. Hún notar ákveðna tækni til að gera flíkurnar teygjanlegri þannig að þær falli vel að barninu og því líði vel í þeim. Ásdís Sigurgestsdóttir og Guðrún B. Þórsdóttir þýddu bókina sem er komin út hjá Forlaginu.
Hér fylgir ein uppskrift úr bókinni, Treyja Estherar, sem Forlagið gaf DV leyfi til að deila.
