Myndlistasýningin Fólkið, fjöllin og vatnið verður opnuð föstudagskvöldið 21. mars klukkan 20 í Skemmunni Hvanneyri. Listamaðurinn Reynir Hauksson sýnir þar málverk sem unnin hafa verið síðustu misseri þar sem efniviðurinn er umhverfi og mannlíf Borgarfjarðar, landslagsmyndir í bland við portrett myndir.
Reynir Hauksson hefur getið sér gott orð í gegnum tíðina sem einn helsti túlkandi Flamenco- og spænskrar tónlistar á Íslandi en síðustu ár hefur hann einbeitt sér að myndlist í meira mæli. Hann útskrifaðist frá Madrid Academy of Art sumarið 2024 og er að halda sína fyrstu myndlistasýningu á Íslandi. Í listmálun sinni fæst Reynir við realisma þar sem landslag Borgarfjarðar og andlitslag Borgfirðinga er dregið fram á einstakan og skapandi hátt.
Sýningin stendur yfir dagana 22.-23. mars frá klukkan 13-19. Sjá viðburð á Facebook hér.
